Wednesday, June 14, 2017

আপুঞ আম দ মেনাম গেয়া

হাসা দ হাসা গে তাঁহে কানা ,
হয় দ হয় !
মেনখান মানে বদল এনা ,
যে হিলক আপুঞাক্ জাং বাহা আতু কেৎ বহই !!

দাক্ দ দাক্ তাঁহে কানা ,
সেঙ্গেল দ সেঙ্গেল !
মেনখান মানে বদল এনা ,
যে হিলক ইঙ এমাদে মোচা রে সেঙ্গেল !!

তরচ দ তরচ তাঁহে কানা ,
আঙরা দ আঙরা !
মেনখান মানে বদল এনা ,
নোওয়া ধুরি ধারতি রে মেসা এন তোরা !!

অত দ অত গে তাঁহে কানা ,
ধারতি দ ধারতি !
সানাম রেয়াক মানে বদল এনা ,
যে হিলক আপুঞাক্ ইড়িচ এনা জীবন বাতি !!

সেরমা দ সেরমা তাঁহে কানা ,
ইপিল দ ইপিল !
তিহিঙ দ গোটাই বিলীন এনা ,
গিতিল হং গিতিল, রিমিল হং রিমিল !!

ধারতি আম দম বাহা গেয়া ,
সেরমা আম দম সাজাক্   গেয়া ,
আপুঃঙ  অকা রেঙ ঞামে ,
অকা রেদ অহাই  ইঙ পাঞ্জা কেয়া?

সিং চাঁদ রূপ রে ডিগ -ডিগ !
নিন্দা চাঁদ কুনামী তেরদেচ্ !!
আপুঞ আম দ মেনাম গেয়া ,
গোটা ধারতি রে পেরেচ্ !!

বাহা রেয়াঃ সং রে মেনাম ,
হয় রেয়াঃজিওয়ী দাঁড়ে রে !!
তলাস মেরে জিওয়ী রে মেনাম ,
আঢ়াঙ  তাম জীব-জিয়ালী রে !! 
____________________________